MoU firma: Corsou ta comprometi pa yuda Aruba drecha sistema educacional

Aruba a firma un acuerdo di MoU cu Corsou pa mehora e sistema educacional. A haci esey pasobra Corsou a crea un sistema desde 2020 y cu awe ta bayendo bon. Hunto cu Corsou ta busca e miho manera pa drecha e parti educacional. mr. Gerlien Croes, Minister di Enseñansa, a splica cu pa varios luna nan ta den dialogo cu Sithree “Cey” van Heydoorn. E mandatario ta gradici na su persona pasobra tin hopi bon colaboracion cu otro riba diferente area. Entre esakinan ta deporte, enseñansa. Seis aña pasa Corsou a inicia un trayecto cual ta introduccion di un sistema central di e datonan di enseñansa. E ta un plataforma cu tur informacion, esta docente, alumno infrastructura den enseñansa. Tur esaki ta significa di tabata un preparacion di tres aña pa por yega n’e meta. Loke aki ta identifica ta cu tin diferente sistema cu cada scol ta uza manera leerlingvolgsysteem, sistema pa administracion y mas. E ta hacie dificil hopi biaha pa den un forma uniformal midi loke ta sosode den enseñansa. E maneho cu ta introduci mester basa riba data, segun e mandatario. Si no tin data centralisa, si no tin data completo, e ta hacie dificil. Esaki ta pasobra hopi bes nan ta bin cu maneho cu ta responde un reto cual no ta completamente robes, pero lo kier a base di data por defini educacion. E mandatario a sigui bisa cu e Minister di Corsou tabata na Aruba algun luna atras, y a haya splicacion riba con nan a carga tur cos desde 2020. Croes a expresa cu nan a identifica un potencial inmenso, specialmente cu nan ta bezig cu e-governance cu nan por colabora. “A base di nan experencianan por yuda nos ay carga un trayecto asina”, e Minister di Enseñansa a indica. Pa mas lesa TREMPAN.COM. The post MoU firma: Corsou ta comprometi pa yuda Aruba drecha sistema educacional appeared first on 24ora - Prome Den Noticia.