All to Car ta presenta nan marca di SUV nobo “DFSK”

Manera semper All to Car ta sigui innova cu nan flota di vehiculo moderno y accesibel na Aruba. E biaha aki nos ekipo di 24ora a pasa pa asina conoce e marca nobo di SUV cu a yega All to Car. Nos ta papiando di e marca “DFSK”, un marca di vehiculo cu ta sumamente espacioso y moderno. Durante e bishita aki nos conoce e DFSK Glory 500 (SUV Compact), un vehiculo di 1.5 L di cuater cylinder. E cabay nan di forsa ta 116, e ta un CVT y two-wheel drive, e ta conta cu su sunroof, su back-up camera y sensors di siguridad. E capacidad ta di cinco persona y e tin su screen digital cu ta conecta facilmente bluetooth cu bo celular.  Otro di e vehiculo cu a introduci durante nos bishita di All to Car ta e DFSK E5 (SUV) cual ta un vehiculo hybrid. Esaki tin un range electric di 90 pa 100 kilometer, suficiente pa core henter luna riba coriente so. Door cu e ta hybrid bo por cambia pa core cu gasolin tambe. Esaki ta un vehiculo sumamente espacio cual ta fit shete persona. E dashboard ta completamente digital di shete inch, y e screen di radio y entretenimiento di 12 inch. Tambe ta un CVT transmission automatic, seis airbags, sun y moonroof.  Libremente por pasa na All to Car di dialuna pa diasabra unda cu for di 8or di mainta por schedule tambe pa test drive cualke vehiculo cu bo ta desea.  Facebook Live The post All to Car ta presenta nan marca di SUV nobo “DFSK” appeared first on 24ora - Prome Den Noticia.