SV Dakota ta bay Corte di Arbitrahe pa Deporte na Suisa contra Beroepscommissie

SV Dakota a manda carta di protesta contra SV La Fama riba dos punto. Despues cu Comision di Protesta a evalua e protesta, a duna SV Dakota rason. Gilmar Croes, presidente di SV Dakota, den conferencia di prensa a splica e puntonan cu nan a entrega y cu a duna nan rason. Sinembargo, La Fama a bay Beroepscommissie pa informa cu nan no ta di acuerdo cu e decision y p’esey ta apela esaki. Beroepscommissie a tuma un decision cu e final di Liga di Oro dje Campeonato 2025-26 ta entre Sporting Club Aruba y S.V. Britannia. Dia 14 di juli directiva di Dakota a haya informacion casi 11:00 pm cu Dakota no ta forma parti di beroep. Y no ta acepta e defensa cu nan a manda. E ta cuestiona tur esaki, pasobra AVB y Beroepscommissie a tuma decision cu Dakota no mag defende nan mes. Facebook Live Como cu no a respeta procedura, directiva di SV Dakota busca nan derecho. Nan no a contesta Dakota y awe mainta a informa AVB cu nan ta bay apela na CAS na Suisa. No ta di acuerdo cu a trapa nan derecho. Croes a splica nan defensa ta basa riba e protesta di 2016 cu a duna Deportivo Nacional y awo no ta mantene na esaki. E ta haya cu mester mantene na un procedura husto. Pa loke ta e wega di diabierna, esaki ta un decision di AVB pa sigui loke Beroepscommissie a bisa y ta laga e wega tuma luga. Click PDF pa lesa desicion di Beroep di 2016. The post SV Dakota ta bay Corte di Arbitrahe pa Deporte na Suisa contra Beroepscommissie appeared first on 24ora - Prome Den Noticia.