Departamento di Cultura lo tene un encuentro cu veld cultural di Aruba

Otro siman diasabra, Departamento di Cultura lo tin un encuentro cu e veld cultural di Aruba den su totalidad. Liesje Proveyer, Representante di Departamento di Cultura, a indica cu nan lo tin seis sesion na J.F.K Educational Center. E sesionnan ta bay ta den tres diferente tanda y lo tin dos sesion tumando luga n’e mesun orario. Pa 10 or di mainta nan lo cuminsa cu un sesion di Herencia Cultural y Herencia Natural y tambe e sesion di Arte di Tarima. Pa 1 or lo bay haci un sesion tocante di musica y tambe uno di arte visual y pa 4 or nan lo haci un sesion tocante prensa y literatura como tambe un sesion tocante Diseño Creativo manera film y audiovisual. E sesionnan aki ta pa defini e sector, pa informa pueblo kico tur e data cu Departamento di Cultura tin tocante e Dominio Cultural, e categoria cultural creativo. Lo duna splicacion tocante e vision stipula pa 2035 tocante e sector y tambe pa facilita pa pueblo henter por duna input y bisa nan, si e vision ta posibel of e mester di cambio. Pues, pa informa pueblo di kico tur tin caba di informacion y tambe pa laga nan duna DCA input y feedback ki direccion cultura tin di bay.  Pa mas lesa TREMPAN. The post Departamento di Cultura lo tene un encuentro cu veld cultural di Aruba appeared first on 24ora - Prome Den Noticia.