Minister Dowers: “Pa un tempo largo no a recluta ni suficiente Polis ni suficiente Recherche”

Un departamento di husticia cu no ta contento ta esun di recherche. No tin suficiente recherche pa e cantidad di trabou cu nan tin, pero tambe nan tin diferente punto pa atende cu ne. Den caso cu nan no haya oido na esakinan, tin posibilidad cu nan lo bay den welga. drs. mr. Athur Douwers, Minister di Husticia, a reuni cu nan y a indica di a ricibi señal di mal contento. Tin basta dia, siman, cu nan ta papiando riba e situacion di recherche. El a admiti di sa cu falta recherche y den otro area. Pero nan ta trahando duro pa por yega na un solucion temporal. Varios hende a haya promocion y a bay bek pafo di recherche, tambe tin esunnan cu a bay cu pensioen. E mandatario ta lamenta cu pa un tempo largo no a recluta tanto polis como recherche. Di otro banda el a indica cu no ta asina cu no tin hende disponibel pa traha como recherche. Segun e mandatario, el a duna instruccion dos siman pasa na Cuerpo Policial, di cual diahuebs durante dia, e tin reunion cu korpschef y henter top di husticia unda cu e tema aki lo bin dilanti. Nan tin di garantisa cu tin suficiente recherche disponibel pa haci e trabounan cu mester haci. Pa mas lesa TREMPAN.COM. The post Minister Dowers: “Pa un tempo largo no a recluta ni suficiente Polis ni suficiente Recherche” appeared first on 24ora - Prome Den Noticia.