All to Car y Aruba Bank cu tremendo ‘Ultra Event’ “Buy now, Pay later” diasabra 13 di juni

All to Car, den un cooperacion special cu Aruba Bank, ta preparando pa un ‘Ultra Event’ caminda publico lo tin e oportunidad di adkiri un vehiculo nobo bao di condicionnan hopi faborabel. E compania tin un stock amplio y varia cu diferente modelo y version di auto disponibel pa entrega di biaha. E evento grandi aki lo tuma luga diasabra 13 di juni, di 9:00 am pa 5:00 pm. Durante e dia aki, interesadonan lo por probecha di prijsnan hopi atractivo y accesibel riba henter nan coleccion. Plan di finansiamento flexibel y interes atractivo Hunto cu Aruba Bank, All to Car ta ofrece un plan di financiamento flexibel cu interes hopi competitivo. E terminonan di pago lo ta adapta n’e balor di e vehiculo: Pa autonan cu un prijs entre 29 mil y 50 mil florin, tin un termino di pago di 5 aña. Pa autonan entre 50 mil y 75 mil florin, e termino ta habri pa 6 aña. Pa vehiculonan cu ta pasa 75 mil florin, e financiamento por bay te cu 7 aña. Live: https://fb.watch/HwEYcZjTyw/ E facilidadnan aki ta conta pa tur categoria di vehiculo, afectando tanto autonan electrico, hibrido como esnan cu ta core riba gasolin. Ademas, durante e evento lo bay presenta un modelo di jeep completamente nobo, dunando e clientenan e oportunidad di mira e potencia y innovacion cu e marcanan aki ta trece p’e mercado di Aruba. Pre-cualificacion instantaneo y bentaha di ‘Buy Now, Pay Later’ Pa acelera e proceso, e ekipo di Aruba Bank lo ta presente pa asisti cu tur aspecto financiero y ofrece un pre-cualificacion e dia ey mes. Pa bishitantenan por probecha di esaki, nan ta avisa pa trece e siguiente documentonan: Identificacion valido (ID) Carta di trabao reciente Dos payslip (si ta cobra pa luna) of cuater payslip (si ta cobra pa kincena) Como e atractivo principal di e ‘Ultra Event’ aki, All to Car y Aruba Bank ta lansa e special di Buy now, pay later. Esaki kiermen cu e clientenan cu haya nan pre-cualificacion aproba riba e dia aki, lo haya e bentaha unico di por cuminsa paga nan prome cuota tres luna despues di a adkiri e auto. E invitacion ta keda habri pa henter famia pa asisti, test e autonan y sinti e experiencia di maneha e modelonan, incluyendo e serie popular di Dongfeng Shine, specificamente e versionnan E1, E2 y GS. The post All to Car y Aruba Bank cu tremendo ‘Ultra Event’ “Buy now, Pay later” diasabra 13 di juni appeared first on 24ora - Prome Den Noticia.