Nada nobo a bini dilanti den caso Flamingo: PG a exigi pa impone castigo cu a pidi den prome instancia
Procurador General a pidi pa impone e castigo cu nan a exigi den prome instancia caba contra Otmar Oduber, Aisha Esser y Richinella Wever.
Den caso di Otmar Oduber ta 3 aña, 6 aña cu e no por ocupa un funcion publico y tampoco wordo scogi pa ocupa un funcion. Pa Esser a pidi 18 luna incondicional y Wever 5 luna condicional y tres aña di prueba.
PG a hiba un rekisitorio di un ora y mey y practicamente loke cu a bini dilanti ta e mesun puntonan di Prome Instancia acusando Oduber di a beneficia amigonan of esnan cu a campaña p’e haciendo mal uzo di su poder. Y Esser di tabata e “persona di confiansa” di Oduber den tur su actonan.
Esser mientrastanto a baha cu pensioen y den caso di Wever el a caba di ricibi un carta cu ta pidi su retiro como ambtenaar. Oduber di su banda a bisa cu e caso aki a afect’e asina hopi cu dado momento e mester a traha den e negoshi di huurmento di Dino Jump.
Diahuebs defensa ta bini na palabra y diabierna mainta lo yega na ultimo palabra di e acusadonan.
The post Nada nobo a bini dilanti den caso Flamingo: PG a exigi pa impone castigo cu a pidi den prome instancia appeared first on 24ora - Prome Den Noticia.
6/2/2026 5:00:00 PM