Volleyball coach Jackie Toussaint a logra haal su FIVB coach nivel II

Cu un preparacion inmenso tras di lomba coach di volleyball Jackie Toussaint a sali pa Santo Domingo pa participa na e Curso Internacional di FIVB pa Trainer/Coach di Volleyball Nivel II. Volleyball Coach/Trainer Jackie Toussaint tin Nivel 1 como coach y su meta semper tabata pa logra su reconocimento como Coach Internacional Nivel II. Despues di entrenamento basta intensivo y oranan largo tanto pa e parti di teoria como e parti practico Trainer/Coach Jackie Toussaint a haya su diploma di FIVB Coach Nivel II. Durante e siman intensivo cu programa nan di entrenamento Trainer/Coach Jackie Toussaint a pasa e programa di enseñansa teoria y practico y ta logra su titulo di FIVB Coach Nivel II. Pa Jackie Toussaint e logro aki lo engrandece su conocemento di e deporte di volleyball, lo eleva e tactica y tecnica di su training no solamente pa su teamnan di volleyball y pa e seleccionnan nacional, pero pa e deporte di volleyball en general. E ceremonia di clausura di e curso na Republica Dominicana a conta cu presencia di Instructor Internacional di FIVB Ruben Sainz di Cuba hunto cu Allen Ariza y Nelson Ramirez director di Centro Regional Desaroyo di Volleyball di Santo Domingo. Aruba Volleyball Association ta felicita Trainer/Coach Jackie Toussaint cu su titulo di FIVB Coach Nivel II. The post Volleyball coach Jackie Toussaint a logra haal su FIVB coach nivel II appeared first on 24ora - Prome Den Noticia.