Dialuna lo tin Rosario Bibo na Kapel di Alto Vista
Dialuna awo, 1 di juni, lo tin otro Rosario Bibo na Kapel di Alto Vista. Lo cuminsa resa pa 7 or y mey di anochi.
Cada persona por presenta su intencion personal y tambe un of mas intencion general manera pa paz na mundo y felicidad den cada hogar na Aruba.
Den nos oracion nos lo corda tur esnan den necesidad, sea necesidad material of spiritual. No lubida pa resa pa nos hobennan, tur enfermo y adultonan mayor.
Lo pidi nos Birgen di Alto Vista pa intercede pa tur fabor cu nos lo presenta e anochi aki. Pa tur intencion haya oido y yudansa di Señor y cu Spirito Santo ilumina cada un di nos pa nos por actua den un forma corecto cu nos prohimo.
Un invitacion pa un y tur asisti dialuna awo na Kapel di Alto Vista pa hunto resa pa tur intencion.
The post Dialuna lo tin Rosario Bibo na Kapel di Alto Vista appeared first on 24ora - Prome Den Noticia.
5/31/2026 3:30:00 PM