Droga decomisa: Cuater Rubiano kier a importa droga via refineria
Un total di cinco sospechoso, di cual cuater ta Rubiano ta deteni despues cu polis a gara nan cu un cargamento di droga. Nan a yega cu un boto yena di cocaina y a purba import’e via e tereno di refineria, pero polis atento a gara nan.
Algo pasa di 5:00 pm polis a subi tereno di e refineria pa motibo cu a nota un movecion straño rib e tereno. Ey a topa cu cinco sospechoso cu a yega den dos diferente boto cu droga. Na tur nan ta seis, pues falta un mas pa detene. Fuentenan yega na e investigacion ta papia di un cantidad grandi di droga cu awo ta den beslag pendiente pa kim’e.
E localnan aki a pensa cu, como cu e refineria ta cera, cu por uza e ruta aki como un opcion nobo pa importa droga sin cu autoridad lo gara nan. Pero obviamente nan intencion no a logra pasobra polis a gara nan mesora.
The post Droga decomisa: Cuater Rubiano kier a importa droga via refineria appeared first on 24ora - Prome Den Noticia.
5/30/2026 12:27:43 PM