Wak caya: Control preventivo den fin di siman
Polis lo controla preventivamente (o sea preventief fouilleren) e weekend aki riba posesion di arma di candela den dos diferente area na Aruba. E meta ta pa aumenta siguridad riba caya y baha e riesgo cu posesion y uzo di arma di candela ta encera.
E medida ta drenta na vigor awe y ta dura te 31 di mei 2026. Lo controla preventivamente tur anochi entre 6’or di atardi pa 6’or di mainta.
Den cuadro di preventief fouilleren Polis ta autorisa pa para personanan y controla nan na nan paña, pa pidi hende pa habri tas y paki y pa rista den esakinan, y pa rista vehiculonan riba presencia di arma.
E autorisacion ta conta pa e districtonan II y III:
District II: Palm Beach, J.E. Irausquin Boulevard y Watty Vos Boulevard y vecindario
District III: Pos Chikito, Sabana Basora, B. van de Veen Zeppenfeldtstraat, Kazernestraat, Marnixstraat y Caya Sint Maarten te na Caya Nevis.
Ministerio Publico y Polis ta traha hunto estrechamente pa reforsa siguridad riba caya y pa proteha particularmente nos hobennan.
The post Wak caya: Control preventivo den fin di siman appeared first on 24ora - Prome Den Noticia.
5/29/2026 3:13:04 PM